كلام الناس وأفكارهم
ضلال بيسمم الأجواء
وربي ذم أكثرهم
دليل الجهل والأهواء
لكني عشت عالمهم
صريع الغدر والغوغاء
وماشبعتش من القسوة
وآلامي ولا تسوى
وشوقي لموطني خدني
وعايشة في غربتي لسه
تدور فكرة ورا فكرة
وأقول هاخد كذا موقف
وهبدأ تاني من بكرة
لكن بتوانى مهما احلف
ومين يقدر على التغيير
ومين يعرف يساند خير
مادمنا ف مجتمع ظالم
أساسه القهر والتعيير
ياريت يرجع زمان تاني
وأعيش الوحدة وأسلِّم
وأنفض عني أحزاني
وأسيب الكل يتكلم
هروبي في حد ذاته قرار
وردع لكل أفكارهم
وكلمة حق تبقى شرار
هيصهر كل أسوارهم
ويطلع شامخ العصفور
يطير بين الهوا والنور
يعيش نبراس لحرية
صفيره يهد سور ورا سور
يناجي ربه ويسبح
ويحمد إنه عاد منصور
0 تعليقات