فى مدح آل البيت
أنا عمرى ما مليت
يا أل بيت النبى
برحالى أنا حطيت
**
على دا ضى العين
ودا والد الحسنين
وابن عم النبى
أبو شامة ع الخدين
**
والزهرا زوجته كمان
طاهرة ورمز الحنان
ونن عين أبوها
سيد ولد عدنان
**
حسن يا نور عينى
جَدك رسولى وضمينى
هيكون معايا ع الصراط
يرشدنى كمان يهدينى
**
حُسين يا نسل الحبيب
يا شهيد كمان وغريب
بجاه جَدك حبيبى
يارب قلبى يطيب
**
وستى زينب معانا
دايماً رضاها رضانا
كريمة وأصل الخير
خيرك يا ستى أهو جانا
**
نفيسة العلوم ياغالية
فى العلم سامية وعالية
كل الحبايب معاكى
للعلم غارفة ومالية
**
وستى رمز السكينة
سكينة كمان وأمينة
زينة بيت النبوة
أخلاقها حلوة وزينة
**
ومهما أعدد وأقول
فى آل بيت الرسول
دايماً مددهم واصل
والحب كمان موصول
0 تعليقات